Keçmiş WWE çempionu Mendi Rouz təşkilatdan ayrıldıqdan sonra "OnlyFans" platformasında güləşdən qazandığından dəfələrlə çox gəlir əldə etməyə başlayıb.
Sportinfo.az xəbər verir ki, o, 2022-ci ildə "FanTime" platformasında paylaşdığı açıq məzmun səbəbindən WWE-dən uzaqlaşdırılmışdı.
Məlumatlara görə, həmin dövrdə belə Rouz bu platformadan WWE ilə müqaviləsindən qazandığından daha çox gəlir əldə edirdi.
Ayrılıqdan sonra Rouz paylaşımlarını davam etdirib və ilk ayda təxminən 1 milyon dollar qazanıb. Daha sonra isə "OnlyFans" platformasına keçib və burada gəlirləri daha da artıb.
Onun sözlərinə görə, artıq üç ay ərzində WWE-də bir illik maaşına bərabər məbləğ əldə edib və hazırda əvvəlkindən təxminən on dəfə çox qazanır.
Rouz bildirib ki, indi kontenti üzərində tam nəzarətə malikdir və ildə 300 gün işləməyə, həmçinin rinqdə zədələr almağa məcbur deyil. Hazırda "OnlyFans" onun əsas gəlir mənbəyidir.
Rouzun nümunəsi digər idmançıları da ruhlandırıb. Cordin Qreys və Kora Ceyd də bu platformada uğur qazanıblar.
İnsayder məlumatlarına görə, xüsusilə Kora Ceyd "OnlyFans" sayəsində bir çox güləşçidən daha çox gəlir əldə edir.
