Azərbaycan millisinin hücumçusu Mahir Emreli 8 aydan sonra ilk qolunu vurdu.
II Bundesliqada “Kayzerslautern”in formasını geyinən həmyerlimiz “Karlsrue” ilə qarşılaşmada adını tabloya yazdırdı.
Matç Mahirin komandasının 3:0 hesablı qələbəsi ilə yekunlaşıb. O, qarşılaşmanın 83-cü dəqiqəsində meydana daxil olub və 90+4-cü dəqiqədə komandasının üçüncü qolunu vurub.
Bu, onun cari mövsümdə II Bundesliqada ilk qolu olub.
Emreli son dəfə bu mövsüm - ötən ilin avqust ayında Almaniya kubokunda "Kayzerslautern"in 1 qolunun müəllifi olmuşdu.
Onun fərqləndiyi epizod yerli fanatlar tərəfindən görüntülənib. Kadrlarda "Kayzerslautern" tərəfdarının necə ürəkdən sevindiyi görünür, Mahiri xorla səsləməsi eşidilir.
SPORTİNFO.AZ
VİDEONU BU LINKƏ DAXİL OLARAQ İZLƏYİN
