“Real”ın yarımmüdafiəçisi Orelien Tçuameni sevgilisi Syuzett Karterin ona xəyanət etdiyi barədə yayılan şayiələri təkzib edib.
Sportinfo.az xəbər verir ki, hadisə internetdə futbolçunun adından yayılan bir paylaşım ilə başlayıb.
Həmin mesajda Tçuameni guya sevgilisini başqa bir kişi ilə yataqda gördükdən sonra onun etibarını və ürəyini sındırdığını yazaraq qınayıb.
Daha sonra futbolçu “hekayə” paylaşaraq bu məlumatı təkzib edib: “Bu mənim hesabım deyil, özünüzü qoruyun”.
Tçuameni və Syuzett təxminən iki ildir münasibətdədir. Syuzett Dominikan Respublikasındandır və ABŞ-də moda sənayesində çalışır.
