“Mançester Yunayted”in futbolçusu Manuel Uqarte şəxsi həyatına dair rəsmi paylaşım edib.
Sportinfo.az xəbər verir ki, 24 yaşlı uruqvaylı yarımmüdafiəçi “Instagram” hesabında 27 yaşlı ingilis model Corciya Mey Hittlə birgə şəklini paylaşaraq, ona sevgi etirafı edib.
Cütlük hazırda yay tətilini birlikdə keçirir.
Xatırladaq ki, daha əvvəl Corciya Mey Hitt Fransanın ulduz futbolçusu Kilian Mbappe ilə eşq şayiələri ilə gündəmə gəlib.
2021-ci ildə onların birlikdə Yunanıstanda restoranda görüntülənməsi bunu təsdiqləyib.
Lakin görünür, həmin münasibət artıq geridə qalıb. Son vaxtlar Corciya ilə Mbappenin bir-birini “Instagram”dan izləmədən çıxarması da bu iddiaları qüvvətləndirib.
