Azərbaycan millisinin sabiq müdafiəçisi Ruslan Abışov Rusiyanın “Dinamo” klubunun (Mahaçqala) düşərgəsinə yollanıb.
Sportinfo.az xəbər verir ki, o, Türkiyədə toplanışda olan komandanı ziyarət edib və Mahaçqala təmsilçisinin baş məşqçisi Kurban Berdıyevlə görüşüb.
Sabiq futbolçu bu haqda sosial şəbəkə hesabında da yazıb:
"Futbolçu karyeranda Kurban Berdıyev kimi məşqçin olubsa, deməli, bir addım öndəsən. Mən bura öyrənmək üçün gəlmişəm”.
Ruslan Abışov 2013-cü ilin fevralından 2014-cü ilin yayına qədər Qurban Berdıyevin çalışdırdığı “Rubin”də çıxış edib.
