Darvin Nunyes Premyer Liqada ikinci mövsümünü keçirir. O, artıq gəldiyi ilk vaxtlardan daha yaxşı formadadır.
Uruqvaylı "Liverpul"un heyətində bütün turnirlərdə 31 oyun keçirib, 10 qol vurub və 10 asist edib.
Sözsüz ki, mövsümün sonuna qədər bu statistikanı yaxşılaşdıracaq. Görünür, hücumçu nəhayət ingilis futboluna uyğunlaşıb.
"Liverpul"un hücumçusunun uğurunda sevgilisi Lorena Manasın da payı var. O, futbolçunun ən yaxın və ən yaxşı dəstəkçisi hesab edilir.
Lorena 25 mart 1999-cu ildə anadan olub. Bəzi mənbələr qızın futbolçudan 9 yaş böyük olduğunu göstərir. Lakin bu doğru deyil. Onlar eyni yaşdadırlar.
Cütlük 2019-cu ildə İspaniyada tanış olub. O zaman Nunyes "Penyarol"dan Avropaya yenicə köçmüş, az tanınan "Almeriya" hücumçusu idi. Sequndada 16 qol vuran futbolçu növbəti mövsüm "Benfika"da peyda oldu. Hekayənin arxasını bilirsiniz.
Nunes bütün bu yolu - İspaniya ikinci liqasından "Liverpul"a qədər - Lorena ilə birlikdə keçib.
4 yanvar 2022-ci ildə cütlüyün ilk övladı, oğulları dünyaya gəlib. Yeri gəlmişkən, Lorena və Darvin arasındakı münasibət rəsmi olaraq qeydiyyata alınmayıb, amma bu yaxınlarda toy olacağı bildirilir.
Heybət
.png)
