Avropa Liqasının pley-off mərhələsində "Qarabağ"ın rəqibi olan "Braqa" Portuqaliya liqasında növbəti oyuna çıxıb.
Sportinfo.az xəbər verir ki, Artur Jorjenin komandası 16-cı turda özündən bir pillə geridə - 5-ci yerdə qərarlaşan "Vitoria Qimaraynş"ı qəbul edib.
Matç 1:1 hesabı ilə yekunlaşıb.
Hesabı 53-cü dəqiqədə (Karvalyo) meydan sahibləri açsa da, 90+8-ci dəqiqədə Mendeşin möhtəşəm qolu sayəsində rəqib hesabı bərabərləşdirib. Beləliklə, "Braqa" qələbəni əldən verib.
16 turdan sonra "Qarabağ"ın 33 xalla 4-cü yeri tutur. Lider "Sportinq" 40 xalla 1-ci, "Benfika" 39 xalla 2-ci, "Porto" 35 xalla 3-cü yerdə qərarlaşıb.
