Azərbaycanda Media Liqası start götürüb.

“ASCO Arena”da baş tutan görüşdə ölkənin tanınmış simaları futbol matçında üz-üzə gəlib.

Sözügedən stadionda keçirilən oyunu 1132 azarkeş izləyib.

“Həddini Bilbao” ilə “Do Konça FK”nın qarşılaşmasında futbolçular aşağıdakı “11-lik”lər üzrə iki komandaya bölünüb:

Həddini Bilbao: Əli Kərimov, Fərid Ramazanov, Kamran Ağabalayev, Kənan Əhmədov, İlqar Vüqaroğlu, Taleh Yüzbəyov (k), Vaqif Cavadov, İlkin Xəlil, İlqar Qurbanov, Vüqar Nadirov, Rauf Əliyev.

Baş məşqçi: Ələkbər Əliyev.

Ehtiyat oyunçular: Emin Çaqayev, Şamil Rzayev, Emil Musayev, Tamerlan İmanov.

Do Konça FK: Anar Məhərrəmov, Vadim Kotukov, Saşa Yunisoğlu, Alfonso Domingez, Orxan Aslanov, DJ Biko, Ruslan Abışov, Nuqzar Kvirtiya (k), Mahir Şükürov, İbrahim Heydərov, Ally Football.

Baş məşqçi: Arif Əsədov.

Ehtiyat oyunçular: Ruslan Məmmədov, Fuad İsgəndərov, Tural Məmmədli.

Oyuna sürətli başlayan “Do Konça FK” ilk yarım saat ərzində rəqib qapısına 3 dəfə yol tapmaqla gücünü ortaya qoyub.

“Həddini Bilbao” özündən güc taparaq 50-ci dəqiqəyə kimi hesabda tarazlıq yaradıb. Oyunun sonları kifayət qədər maraqlı görüntülərlə yadda qalıb ki, “Həddini Bilbao” hesabda 5:4 önə keçib.

Millimizin sabiq üzvü Saşa Yunisoğlu 84-cü dəqiqədə vurduğu qollar matça 5:5-lik bərabərlik gətirib.

Razılaşmaya əsasən qalibin adına penaltilər seriyasında aydınlıq gəlib. “Do Konça FK” 11 metrlik cərimə zərbələrində dəqiqlik göstərərək 3:1 hesabı ilə qələbə qazanıb.

HƏBİB / SPORTİNFO.AZ