“Sabah”ın baş məşqçisi Murad Musayevin adının hallandığı “Krasnodar”ın yeni sükançısı olub.
Sportinfo.az xəbər verir ki, ruslar almaniyalı mütəxəssis Daniel Farke ilə anlaşıb.
46 yaşlı mütəxəssis bu postda Viktor Qonçarenkonu əvəzləyib. “Norviç”in sabiq çalışdırıcısı ilə 2024-cü ilin yayına qədər müqavilə bağlanıb.
Onun köməkçiləri də bilinib. Daniel Farke Edmund Riemer, Kristofer Con və Kris Domaqalla çalışacaq.
O, 2017-ci ildən çalışdığı “Norviç”dən ötən ilin noyabrında ayrılıb.
