Çempionlar Liqasında keçirilən “Malmö” – “Zenit” qarşılaşmasından (1:1) sonra yerli azarkeşlər etiraz şüarları səsləndiriblər.
Sportinfo.az xəbər verir ki, 1:1 hesabı ilə başa çatan oyunda baş hakim “Malmö”nün qapısına 2 penalti təyin edib.
Xüsusən də 92-ci dəqiqədə təyin olunan penalti olduqca şübhəlidir. Hətta “Zenit”in futbolçuları da bunun penalti olmadığını iddia edirlər.
Sankt-Peterburq klubu məhz son dəqiqələrdə təyin olunan bu penaltini qola çevirərək, avrokuboklarda mübarizəni davam etdirmək şansı qazanıb.
Oyundan sonra hakimin idarəçiliyinə etiraz edən isveçli azarkeşlər “UEFA mafiya” şüarını qışqırıblar.