"Gecikdimsə, bağışla" - Pele Messidən üzr istədi

26 Sentyabr 2021 21:42 Hadisə 428
"Gecikdimsə, bağışla" - Pele Messidən üzr istədi

Braziliyalı üçqat dünya çempionu Pele Argentina yığmasının və PSJ-nin ulduzuu Lionel Messidən şəxsi rekordunu üstələməsi ilə əlaqədar vaxtında təbrik etmədiyinə görə üzr istəyib.

Sportinfo.az xəbər verir ki, bu barədə Pele özünün instaqramdakı hesabında yazıb.

"Messi, salam. Gecikdimsə, bağışla. Ancaq mən səni bu ayın əvvəlində üstələdiyin daha bir rekord münasibətilə təbrik etmək imkanını qaçırmaq istəmirdim.

Sənin dahi istedadın var. Ümid edirəm, dostlarım Mbappe və Neymarla birlikdə daha çox uğura nail ola biləcəksən", - Pele sosial şəbəkədə yazıb.

Lionel Messi Argentina yığmasının 2022-ci il dünya çempionatının seçmə mərhələsinin Boliviyaya qarşı Buenos-Ayresdə keçirilmiş matçında hər 3 qolu vurub - 3:0.

O, braziliyalı üçqat dünya çempionu Pelenin Braziliya milli komandasının heyətində vurulan qolların sayı üzrə rekordunu üstələyib. 34 yaşlı hücumçunun aktivində Argentina millisinin heyətində 79, Peledə isə 77 qol var.

Messi daha əvvəl bildirib ki, Pelenin rekordunu üstələməyi arzulayır.

Digər Xəbərlər
Xəbər Lenti