“Qarabağ”ın Çempionlar Liqasının pley-off mərhələsindəki rəqibi Xorvatiya təmsilçisi “Dinamo” (Zaqreb) heyətini yeni futbolçu ilə gücləndirib.
Sportinfo.az xəbər verir ki, zaqreblilər ispaniyalı müdafiəçi Yan Oliverası 1 il müddətinə icarə əsasında sıralarına cəlb edib.
O, son mövsümü İtaliyanın “Roma” klubunun gənclərdən ibarət komandasının heyətində keçirib.
“Qarabağ”ın “Dinamo” ilə ilk görüşü avqustun 20-də səfərdə baş tutacaq. Cavab matçı isə avqustun 28-də evdə reallaşacaq.
