Ermənistanda baş nazir Nikol Paşinyana dəstək mitinqinə qatılan vətəndaşlardan biri ölkədə müzakirələrə səbəb olan açıqlama verib.
Sportinfo.az xəbər verir ki, mitinqdə Paşinyan tərəfdarı kimi iştirak edən erməni vətəndaş (adı açıqlanmayıb-red) jurnalistlərə müsahibəsində "bizi torpaqlar (Qarabağ-red.) maraqlandırmır", - deyə bildirib.
O, Serj Sarkisyan və Robert Koçaryan komandasının Ermənistanda yenidən hakimiyyətə qayıtmasını istəmədiyini söyləyib: "Qarabağ klanının hakimiyyətə gəlməyindənsə, qoy elə genişmiqyaslı müharibə olsun, uşaqlı-böyüklü hamı qırılsın".
Həmin şəxsin bu fikirləri sosial şəbəkələrin erməni seqmentində geniş müzakirə predmetinə çevrilib. Bir çoxları onu qınayaraq, haqqında tənqidi fikirlər səsləndiriblər.