Ermənistanın baş naziri Nikol Paşinyanın Vedi rayonuna səfəri zamanı Kərkiyə baş çəkməməsi bu kəndin Azərbaycana qaytarılacağı haqda müzakirələrə səbəb olub.
“Hraparak” nəşri Paşinyanın Kərkinin yanındakı Sevakavana getdiyini yazır.
“Paşinyan Sevakavana getsə də, onun yanındakı Tiqranaşenə (Kərki) baş çəkmədi. Bu, anklav kəndin Azərbaycana qaytarılacağını təsdiq edir. Kəndin qaytarılacağı məsələsi Paşinyanın komandasında da müzakirə edilir. Hakimiyyətdəki mənbələrimiz bildirirlər ki, Paşinyanın Ararata (Vedi) səfəri bölgələrdə nüfuzunu göstərmək məqsədi daşıyır. Lakin onun Tiqranaşenə getməməsi suallara səbəb oldu”, - nəşr bildirir.
