COP29

Qarabağ erməniləri ilə bağlı açıqlama VERİLDİ

20 Aprel 18:30 Gündəm 443
Qarabağ erməniləri ilə bağlı açıqlama VERİLDİ

“Qarabağ ermənilərinin hüquqlarını və təhlükəsizliyini təmin etmək şərti ilə vətənə qayıtmaq imkanı olmalıdır”.

Bu barədə Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə deyib.

“Qarabağ ərazisini tərk edən erməni əhalisinə gəlincə, qeyd etdiyiniz kimi, Azərbaycan hakimiyyəti xüsusi reinteqrasiya planı qəbul edib. Rusiyanın bu addımı alqışladığı və dəstəklədiyi dəfələrlə vurğulanıb. Qarabağ ermənilərinin öz hüquqlarının lazımi səviyyədə təmin edilməsi və təbii ki, təhlükəsizliyi təmin olunmaqla regiona qayıtmaq imkanı olmalıdır”, - deyən Zaxarova Rusiyanın da öz növbəsində bu prosesə hər cür kömək etməyə hazır olduğunu bildirib.

Onun sözlərinə görə, bu məsələni 80-ci illərin sonu, 90-cı illərin əvvəllərində Ermənistanı və Azərbaycanı tərk etmiş azərbaycanlıların və ermənilərin vətənə qayıtması mövzusundan ayırmaq lazımdır:

“Bu kateqoriyadan olan vətəndaşların geri qayıtmasına şərait yaratmaq üçün böyük həcmdə iş görülməlidir. Bizə Ermənistan-Azərbaycan münasibətlərinin hərtərəfli normallaşması lazımdır. Ölkələr arasında etimad mühiti yaradılmalıdır, o cümlədən sülh müqaviləsi imzalanmalıdır və kommunikasiyaların bloku açılmalıdır”.

Digər Xəbərlər
Xəbər Lenti