«Karvan» rəhbərliyi gələn mövsümə kiminlə başlayacağını müəyyənləşdirib.
Yevlax təmisilçisi Füzuli Məmmədovun təklifini qəbul edib.
Ötən ilin noyabrında «sarvanlar»ın sükanı arxasına keçən mütəxəssislə yollar ayrılmayacaq. Əksinə, işbirliyi ən azı 2027-cı ilin yayınadək davam eləyəcək.
Hansı vəd qarşılığında?
Vaxtilə «Neftçi»ni çalışdırmış F.Məmmədov komandaya I Liqanın çempionluğunu qazandıracağına və yenidən birbaşa elitaya qaytaracağına söz verib.
O, əminliklə bildirib ki, mövcud imkanlar daxilində üzərinə götürdüyü öhdəliyi yerinə yetirəcək.
15 ildən sonra Premyer Liqaya qayıtmış «Karvan» hazırda 8 xala malikdir.
Çempionatın geridə qalan bölümündə dəfələrlə müxtəlif qalmaqal və problemlərlə gündəmə gəlmiş aranlılar hazırda bunun «meyvə»sini dərməkdədir - turnir cəvəlinin 12-ci pilləsinə «dəmir atıblar».
SPORTİNFO.AZ
