Bir neçə gün öncə Bakının Yasamal rayonu, Mirəli Seyidov küçəsində beşmərtəbəli binanın həyətində yerləşən qarajdakı "Nissan" markalı avtomobildə 1997-ci il təvəllüdlü K.Ə.-va və 1990-cı il təvəllüdlü E.Z.-nin meyiti tapılıb.

Hadisə yerinə Yasamal Rayon Prokurorluğu və Yasamal rayon Polis idarəsinin əməkdaşları cəlb edilib. Faktla bağlı cinayət işi başlanılıb.

Maşında boğularaq ölən sevgililər barədə yeni məlumatlar əldə olunub. Mərhum Elvin Zeynalov idmançı imiş. Bu barədə onun yaxın qohumu, tanınmış yol hərəkəti üzrə ekspert Arzu Kürsüm Babazadə məlumat verib.

A.Babazadə mərhum E.Zeynalov haqqında bunları bildirib: "Elvin Zeynalov futzalçı olub, son mövsümdə Birinci Liqanın qızıl medallarını qazanan "Hell Energy"nin qapısını qoruyub. Həmçinin İCE-nin heyətində Alfa Liqada inamlı çıxışları olub".

Müsahib həmçinin baş vermiş hadisə ilə bağlı da danışıb: "Dünyasını dəyişən gənclərimiz haqqında ətrafda və xalqımızda yaranmış yanlış düşüncələrə də aydınlıq gətirmək istəyirəm.

Hər iki gənc çox əxlaqlı, tərbiyəli olublar. K.Ə. də çox əxlaqı, gözəl bir ailənin, layiqli övladı olub. Onlar əxlaqsız hərəkətin yox, sevgilərinin qurbanı olublar, daha doğrusu, özlərini qurban etməyi seçiblər.

Mərhum gənclər çarəsiz qaldıqları, özlərini çarəsiz hiss etdikləri üçün aqibətləri belə bir faciəvi sonluqla nəticələnib".

Arzu Babazadə media qurumlarına da nəzarət edib: "Əvvəlcə mərhum gənclərin ailələrini nəzərə alan, anlayış göstərən media nümayəndələrinə təşəkkür edirəm.

Bütün xəbər saytlarından, televiziya kanallarından belə xəbərləri hazırlayarkən son dərəcə həssasiyyətlə yanaşmalarını xahiş edirəm. Çünki yazılmış hər hansı bir ifadə, reallıq olsa belə, həm mərhumun ruhuna, həm də onun ailəsinə qarşı mənəvi zərbədi".

Sportinfo.az-ın məlumatına görə, bu gün Zeynalovun «Təzəpir» məscidində «7» mərasimi verilib. Mərhum «Səbail»in rəhbəri Tamerlan Abdullayevin yaxın dostu olub.

O. həmçinin Araz Abdullayev və Elvin Yunuszadə ilə bir yerdə böyüyüb. «Şəfa»nın yetirməsi olan Elvin müxtəlif divizion klublarında çıxış edib. Sabah onun toyu olacaqmış…

Allah rəhmət eləsin!