Futzal üzrə Yüksək Liqada çıxış edən daha bir klub fəaliyyətini dayandırıb.
«Alyans» mövsümün başa çatmasını gözləmədən çempionatdan çıxıb.
İranlı iş adamlarının maliyyələşdirdiyi kollektiv bununla bağlı federasiyanın xəbərdarlığına və xahişlərinə məhəl qoymayıb.
Güman ki, bu, Lənkəran təmsilçisinin turnir cədvəlində ilk 4 pillədən birini tuta bilməməsi və medallar uğrunda pley-off oyunlarından kənarda qalması ilə əlaqədardır.
Daha əvvəl «Xilə» eyni addımı atıb. Qəsəbə komandası qış fasiləsindən sonra oyunlara çıxmayıb və AFFA İntizam Komitəsinin qərarına əsasən, rəsmən Yüksək Liqadan kənarlaşdırılıb.
«Alyans»ın çempionatdan uzaqlaşdırılması gün məsələsidir.
SPORTİNFO.AZ