Futzal üzrə Azərbaycan çempionatında xoşagəlməz hadisə yaşanıb.
Sportinfo.az xəbər verir ki, bu, İkinci Liqanın “Atletiko Baku” – “Star Karqo” oyununda baş verib.
Nominal qonaqların oyunçusu Şahin Abdinov qeyri-idman hərəkətinə görə ikinci sarı vərəqə ilə meydandan kənarlaşdırılıb.
Bundan narazı qalan futzalçı hakimə qarşı təhqiramiz ifadələr işlədib və ona fiziki təsir göstərməyə cəhd edib.
AFFA-nın İntizam Komitəsi baş verənləri müzakirə edərək oyunçunu cəzalandırıb. O, 8 oyunluq diskvalifikasiya edilib.
