"Azərbaycan millisi çox ciddi rəqibdir".
Sportinfo.az xəbər verir ki, bunu Bosniya və Herseqovina millisinin futzalçısı Yosip Sesar Azərbaycana qarşı keçirəcəkləri Avropa çempionatının D qrupunun III tur matçından öncə deyib.
30 yaşlı hücumçu Joze Alesio Da Silvanın rəhbərlik etdiyi kollektivin Gürcüstandan daha yaxşı komanda olduğunu bildirib:
"Onlar da gürcülərlə matçda 2 top fərqi ilə önə keçdikdən sonra uduzdular, daha sonra İspaniya ilə heç-heçə etdilər. Hətta deyərdim ki, son matçda rəqibdən daha üstün oynadılar".
Bununla belə, Sesar Azərbaycan millisi ilə görüşdə qələbə qazanmaq istədiklərini gizlətməyib: "Meydana qalibiyyət üçün çıxacağıq. Hər iki kollektivin ifasında açıq oyun gözləyirəm".
Yanvarın 29-da gerçəkləşəcək Azərbaycan - Bosniya və Herseqovina görüşü Bakı vaxtı ilə saat 20:30-da başlayacaq.
