.jpg)
Futzal üzrə Azərbaycanın millisinin Niderlandda təşkil olunacaq Avropa çempionatının final mərhələsindəki qrup oyunlarının təqvimi açıqlanıb.
Azərbaycan Futzal Federasiyasından Sportinfo.az-a verilən məlumata görə, Joze Alesio Da Silvanın baş məşqçi olduğu kollektiv D qrupunda ilk matçını 2022-ci il yanvarın 22-də Gürcüstana qarşı keçirəcək.
Yanvarın 26-dakı qarşılaşmada rəqib İspaniya olacaq. Komanda qrupdakı son oyununda isə Bosniya və Herseqovina ilə üz-üzə gələcək.
Bu görüş yanvarın 29-na təsadüf edəcək. Azərbaycan ilk 2 matçını Qroningen, sonuncu matçını isə Amsterdam şəhərində keçirəcək.
D qrupu
22 yanvar
Gürcüstan – Azərbaycan
İspaniya – Bosniya və Herseqovina
26 yanvar
İspaniya – Azərbaycan
Bosniya və Herseqovina – Gürcüstan
29 yanvar
Azərbaycan - Bosniya və Herseqovina
Gürcüstan - İspaniya
19 yanvar - 6 fevralda gerçəkləşəcək Avropa çempionatı ilk dəfə 16 komandanın iştirakı ilə baş tutacaq.
