İrlandiya Futbol Assosiasiyası Canni İnfantinonun FİFA prezidenti vəzifəsinə yenidən seçilməsinə dəstəyini geri çəkib.
Assosiasiya bu qərarı son dövrlərdə baş verən hadisələrlə əlaqələndirib.
Sportinfo.az xarici KİV-ə istinadən xəbər verir ki, assosiasiyanın yaydığı açıqlamada idarəetmə, şəffaflıq və konstruktiv məsləhətləşmələrin olmaması ilə bağlı ciddi narahatlıqların yarandığı bildirilib.
Daha əvvəl FİFA-nın dünya çempionatının kommersiya hüquqlarını özəl investorlara satmaq üçün FİFA Forward Enterprise (FFE) adlı yeni kommersiya strukturu yaratmağı planlaşdırdığı məlum olmuşdu.
Sonradan futbol konfederasiyalarının təzyiqi və UEFA-ya üzvü olan ölkələrin dünya çempionatını boykot edə biləcəyi ilə bağlı yaranan təhlükə fonunda İnfantino bu ideyadan imtina edib.
Bundan sonra bir sıra milli futbol assosiasiyaları 2027-ci ilin martında keçirilməsi planlaşdırılan FİFA prezident seçkisində hazırkı rəhbərə dəstəklərini geri çəkib.
