Səudiyyə Ərəbistanı Liqasının 30-cu turunun “Əl-Əhli” ilə qarşılaşan “Əl-Nəsr”in ulduzu Kriştianu Ronaldo rəqib azarkeşlərlə gərginlik yaşayıb.
Sportinfo.az xəbər verir ki, fanatlar qarşılaşmada 2:0 hesablı qələbəyə sevinən forvardı qıcıqlandırmağa çalışıb.
Onlar Ronaldoya “bizim iki Asiya Çempionlar Liqası kubokumuz var” deyiblər.
Portuqaliyalı ulduz isə cavabında “mənim 5 Çempionlar Liqası kubokum var” deyərək cavab verib.
Kriştianu Ronaldo 5 dəfə Çempionlar Liqasını qazanıb. O, 1 dəfə “Mançester Yunayted”lə, 4 dəfə də “Real”la bu uğura nail olub.
