Karlo Ançelotti Braziliya Futbol Konfederasiyası ilə yeni, uzunmüddətli müqavilə imzalamağa hazırdır.
Sportinfo.az xarici KİV-ə istinadən xəbər verir ki, 66 yaşlı mütəxəssis komandayla 2030-cu ilə qədər olan müqavilə imzalamağa razılıq verib.
Gözlənilməz hadisələr istisna olmaqla, müqavilə yaxın günlərdə imzalanacaq.
Ançelotti 2025-ci ilin iyun ayının əvvəlindən Braziliya millisinə rəhbərlik edir. İtaliyalı məşqçi daha əvvəl dörd il “Real”da çalışıb.
Braziliyalılar qarşıdan gələn dünya çempionatının qrup mərhələsində Mərakeş, Şotlandiya və Haiti yığmaları ilə qarşılaşacaq.
.jpg)
