.jpg)
UEFA superkubokunun qalibi müəyyənləşib.
Sportinfo.az xəbər verir ki, həlledici matçda Çempionlar Liqasının son qalibi PSJ (Fransa) ilə Avropa Liqasını qazanan “Tottenhem” (İngiltərə) üz-üzə gəlib.
İtaliyanın Udine şəhərindəki “Friuli” stadionunda keçirilmiş görüşün əsas vaxtında qapılara 4 qol vurulsa da, qalib müəyyənləşməyib – 2:2.
Qaydalara əsasən, birbaşa penalti zərbələrinə keçilib. 11 metrlik zərbələri daha dəqiq yerinə yetirən PSJ superkubokun qalibi olub – 4:3.
Bu oyunda Azərbaycanın FİFA referisi Elçin Məsiyev də iş başında olub. O, Juan Pineyrunun (Portuqaliya) idarə etdiyi matçda dördüncü hakim funksiyasını yerinə yetirib.
PSJ – "Tottenhem" 2:2 (penaltilər – 4:3)
Qollar: Kan Li, 85. Qonsalo Ramos, 90+4 – Van de Ven, 39. Kristian Romero, 48
Hakimlər: Juan Pineyru, Brunu Jezuş, Lusianu Maya (hamısı Portuqaliya).
Dördüncü hakim: Elçin Məsiyev (Azərbaycan).
Udine, “Friuli” stadionu.
