“Santos”un hücumçusu Neymar uzun fasilədən sonra Braziliya yığmasına qayıda bilər.
Sportinfo.az AS-a istinadən xəbər verir ki, Braziliya millisinin baş məşqçisi Karlo Ançelotti 33 yaşlı futbolçunu qarşıdakı dünya çempionatının seçmə oyunları üçün heyətə dəvət etməyi planlaşdırır.
Neymar artıq namizədlər siyahısına daxil edilib, ancaq məşqçilər heyəti onun real formasını şəxsən izləmək istəyirlər.
Bu məqsədlə milli komandanın nümayəndələri “Santos”un növbəti oyununa baxmaq üçün stadionda olacaq.
“Barselona” və PSJ-nin sabiq forvardı son iki il ərzində Braziliya millisinin heyətində meydana çıxmayıb. Onun sentyabrda baş tutacaq Çili və Boliviya yığmaları ilə oyunlarda geri dönüşü gözlənilir.
