“Ayaks”ın yeni baş məşqçisinin adı məlum olub.
Sportinfo.az xəbər verir ki, Amsterdam təmsilçisini Con Heytinqa çalışdıracaq.
Bu barədə klubun mətbuat xidməti məlumat yayıb.
Niderlandlı mütəxəssislə 2027-ci ilin yayına kimi nəzərdə tutulan müqavilə imzalanıb.
“Ayaks” bir neçə gün əvvəl Françesko Farioli ilə yollarını ayırıb. Con Heytinqa isə “Liverpul”un baş məşqçisi Arne Slotun köməkçisi vəzifəsində çalışırdı.
