“Roma”nın keçmiş futbolçusu Françesko Totti eyni komandada kiminlə oynamaq istədiyini açıqlayıb.
Sportinfo.az xarici KİV-ə istinadən xəbər verir ki, sabiq hücumçu bunu deyib:
“Braziliyalı Ronaldo ilə oynamaq istərdim. O, Lionel Messi və Kriştiano Ronaldodan güclü idi.
Bunlar qeyri-adi üç fərqli oyunçudur. Dieqo Maradonadan sonra Ronaldonu seçərdim. Onlar insan deyildilər”.
Totti bütün karyerasını “Roma”da keçirib. O, bu klubda 785 oyun keçirib və A Seriyası çempionluğunu, iki İtaliya kubokunu, iki ölkə superkubokunu qazanıb. Totti İtaliya millisi ilə 2006-cı ildə dünya çempionu olub.
