Bakıda keçiriləcək “UFC Fight Night” turniri ərəfəsində əsas döyüşlərin iştirakçılarının açıq məşqi və fan-zona təşkil olunub.
Sportinfo.az xəbər verir ki, Dənizkənarı Milli Parkda baş tutan tədbirdə azərbaycanlı Rafael Fiziyev və meksikalı Manuel Torres, gecənin ikinci əsas qarşılaşmasının iştirakçısı Şarabutdin Maqomedov, eləcə də yerli döyüşçülər Nazim Sadıxov və Fərman Həsənov azarkeşlərin qarşısına çıxıblar.
Açıq məşq zamanı idmançılar təxminən 10 dəqiqə ərzində müxtəlif texniki fəndlər nümayiş etdirib, azarkeşlərlə ünsiyyətdə olub və xatirə fotoları çəkdiriblər.
“UFC Fight Night Baku” turniri iyunun 27-də Milli Gimnastika Arenasında keçiriləcək.
