Avstriyanın Mittersil şəhərində Beynəlxalq Cüdo Federasiyasının (İJF) təşkilatçılığı ilə hakimlər və məşqçilər üçün beynəlxalq seminar keçirilib.
Sportinfo.az xəbər verir ki, İJF-nin prezidenti Marius Vizerin də iştirak etdiyi seminar nəzəri və praktiki hissədən ibarət olub.
Tədbirdə cüdonun yeni qaydalarının tətbiqi əyani şəkildə göstərilib, geniş müzakirə edilib, fikir mübadilələri aparılıb.
Beynəlxalq seminarda Azərbaycan Cüdo Federasiyasının Hakimlər Komitəsinin sədri, beynəlxalq dərəcəli referi Fariz Hüseynov və Regionlarda cüdonun inkişafı sektorunun müdiri, məşqçi Tərlan Poladov da iştirak ediblər.
