Neftçi” İdman Klubunun cüdoçuları Bakıda keçirilən “Böyük Dəbilqə” turnirini medallarla başa vurublar.
Sportinfo.az xəbər verir ki, 81 kiloqram çəki dərəcəsində mübarizə aparan Zelim Tçkayev inamla çıxış edərək finala qədər irəliləyib.
Təcrübəli atlet həlledici görüşdə kanadalı Fransua Qotye-Drapoya qalib gələrək millinin hesabına ilk qızıl medalı yazdırıb.
Yarışın ilk günündə “ağ-qaralar”ın digər təmsilçisi Əhməd Yusifov (60 kq) bürünc medal qazanıb.
