“Qarabağ”ın qənimi “Ferentsvaroş”a da ”dişini batırdı”

24 Sentyabr 2020 00:56 Çempionlar Liqası 822
“Qarabağ”ın qənimi “Ferentsvaroş”a da ”dişini batırdı”

Çempionlar Liqasında pley-off mərhələsinin ilk oyunlarına yekun vurulub.

Sportinfo.az xəbər verir ki, bu mərhələnin qalibləri iki oyunun nəticəsinə görə müəyyən olunacaq.

Pley-off mərhələsinin cavab oyunları sentyabrın 29 və 30-da keçiriləcək.

Bu gün daha 3 qarşılaşma baş tutub. “Gent” (Belçika) Kiyev “Dinamo”sunu qəbul edib. Üç qolun vurulduğu matçda qonaqlar qələbə qaznan tərəf olub.

Turnirin 3-cü təsnifat mərhələsində “Qarabağ”ı mübarizədən kənarlaşdıran Norveçin “Molde” klubu isə “Ferentsvaroş”la (Macarıstan) qarşılaşıb. Altı qolluq bu qarşılaşmada qalib müəyyənləşməyib.

Son oyunda “Omoniya” (Kipr) Yunanıstanın “Olimpiakos” klubunun qonağı olub. Yunanlar doğma meydanda inamlı qələbəyə seviniblər.

Krasnodar (Rusiya) – PAOK (Yunanıstan) 2:1

Qol: Klaesson, 39-pen. Kabelya, 70 – Pelkas, 32.

Makkabi (Təl-Əviv, İsrail) – Zalsburq (Avstriya) 1:2

Qol: Biton, 9 – Soboslai, 49-pen. Okuqava, 57.

Slaviya (Praqa, Çexiya) – Midtyulland (Danimarka) 0:0

Gent (Belçika) – Dinamo (Kiyev, Ukrayna) 1:2

Qol: Kleindienst, 41 – Supriaqa, 9. De Pena, 79.

Molde (Norveç) – Ferentsvaroş (Macarıstan) 3:3

Qol: Ceyms, 55. Eykrem, 65. Ellinqsen, 83 – Boli, 7. Uzuni, 52. Xaratin, 87.

Olimpiakos (Yunanıstan) – Omoniya (Kipr) 2:0

Qol: Valbuena, 69. El Arabi, 90+2.

Digər Xəbərlər
Xəbər Lenti