Çempionlar Liqasında həftənin futbolçusu adına namizədlər bəlli olub.
Sportinfo.az xəbər verir ki, 1/8 final mərhələsinin cavab görüşlərindən sonra bu ada "Atalanta"dan Yosip İliçiç, "Leyptsiq"dən Marsel Zabitser, PSJ-dən Xuan Bernat və "Atletiko"dan Yan Oblak iddia edirlər.
İliçiç İspaniyada "Valensiya"nı 4:3 hesabı ilə məğlub etdikləri görüşdə 4 qol vuraraq poker edib. Zabitser evdə İngiltərə təmsilçisi "Tottenhem"ə 3:0 hesabı ilə qalib gəldikləri matçda iki qolun müəllifi olub.
Bernat isə Almaniya "Borussiya"sını (Dortmund) məğlub etdikləri matçda fərqlənə bilib. Yan Oblak əlavə vaxtda İngiltərədə "Liverpul"u 2:3 hesabı ilə yendikləri oyunda qurtarışları ilə yadda qalıb.
Qaliblər UEFA-nın rəsmi saytında azarkeşlər arasında aparılan səsvermə ilə müəyyənləşəcək.