"Real"ın sabiq prezidenti Ramon Kalderon Çempionlar Liqasının qrup mərhələsində "Brügge" ilə oyuna (2:2) reaksiya verib.
Sportinfo.az xəbər verir ki, Kalderon "twitter" səhifəsində Madrid klubunun sabiq qapıçısı Keylor Navasın gülən yerdə şəklini paylaşıb.
Kosta-rikalı qolkiper 2018-ci ildə Tibo Kurtua "Real"a gəldikdən sonra əsas heyətdə yerini itirmişdi. Yayda o, Madridi tərk edərək PSJ-yə yollanıb.
"Brügge" ilə oyunun 1-ci hissəsində iki qol buraxan Kurtuanı azarkeşlər fitə basıb. Belçika millisinin qapıçısı fasilədə əvəzlənib. Sonradan məlum olub ki, qolkiperin sağlıq durumunda problem var imiş, o, hətta avtomobilini də idarə edə bilməyib.
