Həbib Nurməhəmmədovla Konor Makqreqor arasında baş tutan görüşdən sonra yaşanan dava-dalaşla bağlı Nevadanın İdman Komissiyasında (NSAC) ilk dinləmə olub.
Sportinfo.az xəbər verir ki, NSCA Həbibə çatacaq qonorarın yarısının ödənilməsi ilə bağlı qərar verib.
Beləliklə, Nurməhəmmədovun hesabına 1 milyon dollar keçirilib. Komissiyanın yekun qərarından sonra qalan məbləğin ödənilib-ödənilməyəcəyi bilinəcək. NSAC yekun dinləməni dekabrın sonunda keçirəcək.
Konor ona çatacaq məbləği - 3 milyon dolları döyüşdən sonra tam şəkildə alıb. Nurməhəmmədova verilməli olan 2 milyon dollar qonorarın ödənilməsi döyüşdən sonra baş verən dava-dalaşa görə təxirə salınmışdı.
