“Bu, əla bir oyun idi. Mən bu anı səbirsizliklə gözləyir və arzulayırdım”.
Sportinfo.az xəbər verir ki, bu sözləri “Yurqorden”in hücumçusu Musa Qurbanlı İsveç çempionatının 21-ci turunda “Deqefors”a qalib gəldikləri oyundan (4:1) sonra bildirib.
M.Qurbanlı matçda 2 qol vurub, 1 qolun isə ötürməsini edib. Bu, onun yeni qoşulduğu İsveç çempionatında ilk qolları olub.
Azərbaycan millisinin hücumçusu oyundan sonra jurnalistlərə deyib: “Gözəl hisslər keçirirəm. Azarkeşlərin bizə belə gözəl dəstəyi məni sevindirir”.
M.Qurbanlı görüşdə penaltini vura bilməyib. O, bu haqda suala cavabında deyib:
“Bu, gözlənilməz oldu. Dünən məşqdən sonra 15-20 dəqiqə qalıb penalti üzərində işləmişdim. Əlimdən gələni etdim, amma alınmadı”.
