Moskva “Dinamo”su hücumçusu Ulvi Babayevlə yeni müqavilə imzalayıb.
Sportinfo.az xəbər verir ki, bu barədə klubun mətbuat xidməti məlumat yayıb.
21 yaşlı azərbaycanlı futbolçunun “ağ-göylər”lə yeni anlaşması 2029-cu ilin yayına qədər nəzərdə tutulub.
Müqavilədə daha bir mövsüm uzatma maddəsi da yer alıb.
Babayev “Dinamo”nun yetirməsidir. O, əsas komandanın heyətində bütün turnirlər üzrə 16 oyuna çıxıb və 5 qol vurub.
Daha əvvəl Ulvi Babayevlə “Spartak”ın maraqlandığı və onun tezliklə "Dinamo"nu tərk edə biləcəyinə dair xəbərlər yayılmışdı.
