"Yurqorden"də çıxış edən Azərbaycan millisinin forvardı Musa Qurbanlının İsveç çempionatında vurduğu ilk qollardan sonra "İnstaqram" hesabında paylaşım edib.
Sportinfo.az xəbər verir ki, o, 21-ci turda "Deqefors"a 4:1 hesabı ilə qalib gəldikləri matçda 2 qol vurub, 1 qolun ötürməsini verib.
"İlk qolları fantastik azarkeşlərimiz qarşısında vurmaq fantastik hisslərdir. Hər kəsə əla dəstəyi üçün təşəkkür" - deyə M.Qurbanlı "İnstaqram" hesabında yazıb.
M.Qurbanlı 5 gün əvvəl İsveç kubokunun seçmə mərhələsində "Sandvikens"lə görüşdə (5:1) 1 qol vurub.
Yığmamızın 21 yaşlı hücumçusu həm də sözügedən qarşılaşmada qolla nəticələnən penaltinin səbəbkarı olub .
