Tula "Arsenal"ının əslən azərbaycanlı futbolçusu Ayaz Quliyev "Axmat"a keçəcək.
Sportinfo.az xəbər verir ki, bu barədə "Çempionat" nəşrinə vəziyyətlə tanış olan mənbədən məlumat daxil olub.
Moskva "Spartak"ının yetirməsi olan Quliyevin "Arsenal" ilə müqaviləsi 2023-cü ilin iyununda başa çatır. "Transfermarkt" ona 700 min avro qiymət qoyub.
26 yaşlı yarımmüdafiəçi ötən mövsüm "Arsenal"ın heyətində 26 oyunda 1 məhsuldar ötürmə ilə yadda qalıb.
Klub Rusiya Premyer Liqasını sonuncu pillədə başa vurub və "Rubin"lə birlikdə I Liqaya enib.
