Yeni başa çatan Gürcüstan 1-ci liqasında “Sioni”nin heyətində çempion olan Orxan Əliyev açıqlama verib.
Sportinfo.az xəbər verir ki, 21 yaşlılardan ibarət yığma komandamızın sabiq hücumçusu qonşu ölkədəki çıxışını dəyərləndirib:
“Ölkə xaricində oynadığıma görə şadam. Komandama çempionluq titulunda kömək etməyimə görə də sevinirəm.
Yaxşı təcrübə oldu. Çətin mövsüm alındı. Qarşımıza yüksək məqsədlər qoyulmuşdu. Çempionluğa layiq idik”.
Əliyev, “Sioni”də qalıb-qalmayacağı ilə bağlı məsələyə isə belə cavab verib:
“Bir neçə klubdan təklif almışam. Hazırda hansı klublardan təklif aldığımı demək istəməzdim. Sadəcə, onu deyə bilərəm ki, ölkə xaricindəki klublarla danışıqlar gedir" (sportal.az)..
.jpg)
