Türkiyə 1-ci liqasında növbəti turun oyunları keçirilib.
Sportinfo.az xəbər verir ki, Vüsal İsgəndərlinin formasını geyindiyi "Keçiörengücü" 18-ci turda "Ərzurum BB" ilə öz meydanında qarşılaşıb.
Ankara klubunu məğlubiyyətdən Vüsal İsgəndərli xilas edib. Onun qolu sayəsində matç 3:3 başa çatıb.
Meydana fasilədən sonra daxil olan İsgəndərli 75-ci dəqiqədə sarı vərəqə ilə cəzalandırılıb, 90+7-ci dəqiqədə isə qol vurub.
Bu bərabərlik qolu “Ərzurum BB”ni liderliyə yüksəlməsinə mane olub. Bu, İsgəndərlinin Ankara təmsilçisindəki 4-cü çempionat qoludur.
17 turda 19 xal toplayan “Keçiörəngücü” 14-cü pillədə qərarlaşıb.
.jpg)
