21 yaşlılardan ibarət yığma komandamızın yeni üzvü Emil Mustafayevin zədələnməsi barədə xəbər vermişdik.
AÇ-2023-ün seçmə mərhələsinin Norveçlə Bakıdakı oyununda zədələnən yarımmüdafiəçi matçı vaxtından əvvəl tərk etmişdi.
Sportinfo.az xəbər verir ki, Kiyevdə uğurlu əməliyyat edilən Emil 1 aydan tez məşqlərə qayıtmayacaq.
O, minimum 1-1,5 ay məşqlərdən uzaq qalacaq. “Aleksandriya”da forma geyinən futbolçunun Ukrayna U-21 yığmasında da oynamaq şansı olsa da, AFFA-nın təklifini qəbul edərək Azərbaycana üstünlük verib.
Mustafayev hazırda zədədən sonra bərpa prosesini keçir. Sportal.az-a açıqlama verən futbolçunun atası Ramil Mustafayev Emilin hazırki durumu barədə danışıb:
“Hər şey yaxşı gedir. Emi hazırda evdədir və ayağını hərəkət etdirir. Allahın köməyi ilə istəyirik ki, yanvarda komanda ilə birlikdə toplanışa getsin. “Aleksandriya” oğluma güvənir”.
.jpg)
