UEFA Bakıdan rahat, Londondan narahatdır

21 May 12:02 AÇ-2020 65
UEFA Bakıdan rahat, Londondan narahatdır

UEFA AVRO-2020-yə ev sahibliyi edəcək şəhərlərdən Londonun oyunları keçirməklə bağlı təminat verməməsi barədə Böyük Britaniyanın "The Times" nəşrində çıxan xəbərə aydınlıq gətirib.

Sportinfo.az xəbər verir ki, qurumun Mətbuat xidmətindən TASS-a bildirilib ki, UEFA 12 təşkilatçı şəhərlə daim əlaqədədir.

Yaxın günlərdə məsələ ilə bağlı əlavə məlumat veriləcəyi vurğulanıb. "The Times" yazıb ki, UEFA mayın 27-də keçirməli olduğu İcraiyyə Komitəsinin iclasını İngiltərənin paytaxtı Londonun Avropa çempionatı üçün hələ təşkilati təminat verməməsi səbəbindən təxirə salıb.

Ləngimə yerli hakimiyyətin zəmanəti təsdiqləməməsi ilə əlaqədardır. Avropa çempionatı 12 şəhərdə - Bakı, Sankt-Peterburq, London, Münhen, Roma, Buxarest, Dublin, Kopenhagen, Bilbao, Qlazqo, Budapeşt və Amsterdamda keçirilməlidir.

İngiltərə paytaxtındakı "Uembli" stadionunda 7 oyunun, o cümlədən, yarımfinal və final qarşılaşmalarının təşkili nəzərdə tutulub. Azərbaycan tərəfi AVRO-2020-nin təşkil edəcəyinə dair UEFA-ya dövlət təminatı verib.

Xəbər Lenti
26 May 22:40 Qurbanov lazım deyil?