Bu gün II Liqada sonuncu - 26-cı tura start veriləcək.
Sportinfo.az xəbər verir ki, ilk oyun günündə 5 qarşılaşma keçiriləcək.
Heç şübhəsiz, diqqətlər əsasən 2 matçda olacaq. Gümüş medallar uğrunda mübarizə aparan «Füzuli» ilə «Cəbrayıl» üz-üzə gələcək.
1 xallıq fərqlə ikinci yerdə qərarlaşan birincilərə heç-heçə kifayət edirsə, Cavid Hüseynovun çalışdırdığı ikincilər mütləq qələbə qazanmalıdır. Ki, I Liqaya vəsiqə yolunda «Difai» ilə pley-off oynasın.
Dördüncü sıradakı «Şahdağ»ın da belə bir imkanı var.
Qusar təmsilçisi turnir cədvəlində ondan yuxarıda gedən komandaların sülhə imza atmasınə ümid edib, özü də «Ağdaş»a qalib gəlməlidir.
