"Kəpəz"in baş məşqçisi söyür, "Neftçi"nin futbolçusu özünü apara bilmir

1 Dekabr 2020 21:00 I Divizion 581
"Kəpəz"in baş məşqçisi söyür, "Neftçi"nin futbolçusu özünü apara bilmir

“Kəpəz”in baş məşqçisi Yaşar Vahabzadə 5 oyunluq cəzalanıb.

Sportinfo.az xəbər verir ki, səbəb kimi təcrübəli mütəxəssisin I Divizionda VII turun "Turan Tovuz"la ev oyununda hakimi təhqir etməsi göstərilib.

AFFA İntizam Komitəsi Gəncə klubuna 400 manat cərimə də kəsib.

"Kəpəz" daha 80 manat cəriməni bu görüşdə 6 futbolçusunun sarı vərəqə alması səbəbindən ödəməli olacaq. Qərb derbisi "Turan Tovuz"un qələbəsi ilə yekunlaşıb - 3:2.

Turun “Zaqatala” – “Keşlə-2” oyununda isə topdaşıyan və xərəkdaşıyan şəxslərin yaş həddi pozulub. Nəticədə meydan sahibləri 80 manat cərimələnib.

“Qaradağ Lökbatan”la oyunun 81-ci dəqiqəsində “Neftçi-2”nin futbolçusu Famil Camalov aqressiv davranışa görə birbaşa qırmızı vərəqə alaraq meydançadan kənarlaşdırılıb. Bu səbəbdən, Camalov 4 oyun cəzalanıb, klubu 320 manat ziyana düşüb.

Digər Xəbərlər
Xəbər Lenti