.jpg)
"Hər kəs birinci olmaq istəyər".
Bu sözləri Sportinfo.az-a açıqlamasında "Zaqatala"nın baş məşqçisi Rüstəm Məmmədov deyib.
Şimal təmsilçisi I Divizionda liderliyə yüksəlib. Gəncədə "Kəpəz"ə 2:1 hesabıyla qalib gələn kollektivin xal ehtiyatı 43-ə yüksəlib.
R.Məmmədov növbəti mövsüm Premyer Liqaya yüksəlmək şanslarını dəyərləndirib:
"Bu yer daha çox yadda qalır və ən şirin pillədir. Birinci yeri tutandan sonra Premyer Liqada iştirak eləmək şansı digərlərindən daha çox olacaq. Bu da ikinci bir motivasiyadır.
Hələ bu haqda heç bir məlumat yoxdur. Çempionat bitməmiş Premyer Liqa haqqında fikirləşmirik. Biz çempion olandan sonra rəhbərlik çalışacaq ki, Prmeyer Liqaya çıxacaq komandalar olacaqsa, biri də biz olaq.
Amma hazırda açıq-aydın Premyer Liqa haqqında bizə nəsə deyilməyib. Bu gün işimiz Divizonda çempion olmaqdır".
