"Zirə"nin Konfrans Liqasında "Hayduk"a qarşı oyununda ən yaxşılardan olan Brahim Konatenın birinci hissədə zədələnərək meydandan çıxması qəsəbə təmsilçisi üçün ciddi itki olmuşdu.
Baş məşqçi Rəşad Sadıqov mətbuat konfransında fransalı legionerin 2-3 həftəyə sıraya qayıdacağını ehtimal etmişdi.
Sportinfo.az xəbər verir ki, o, gözləniləndən daha çox yaşıl meydanlardan kənar qalacaq. Yarımmüdafiəçinin zədəsi 6-7 həftə çəkəcək.
"Zirə"nin Konfrans Liqasının ikinci təsnifat mərhələsində "Hayduk"la cavab oyunu avqustun 31-də baş tutacaq. Bakıdakı oyun 1:1 hesabı ilə bitib.
