.jpg)
"Xoş qarşılama üçün təşəkkürlər. Sabahkı oyuna hazırıq. Uğurlu nəticə əldə etməyi düşünürük".
Sportinfo.az xəbər verir ki, bu sözləri Konfrans Liqasının 2-ci təsnifat mərhələsində "Zirə"nin rəqibi olan "Hayduk"un futbolçusu Filip Krovinoviç deyib.
Xorvatiyalı "Zirə" barədə məlumatlı olduqlarını bildirib:
"Dario Melnyakla danışmışıq. O, mənə klub və ölkə haqda məlumat verib. İlk dəfədir ki, buradayıq.
Azərbaycan çempionatının yaxşı səviyyədə olduğunu və yaxşı futbolçuların da burada çıxış etdiyini bilirik.
Biz özümüzə köklənmişik. Məqsəd növbəti mərhələyə vəsiqə qazanmaqdır".
