.jpg)
"Zirə" bu gün Türkiyədəki təlim-məşq toplanışı çərçivəsində növbəti yoxlama oyununa çıxacaq.
Sportinfo.az xəbər verir ki, Rəşad Sadıqovun komandası Türkiyə 1-ci liqaası təmsilçisi "Pendik"lə üz-üzə gələcək.
Matç Bakı vaxtı ilə saat 17:30-da başlayacaq.
"Zirə" bunadək 4 yoxlama görüşündə qüvvəsini sınayıb.
Rəşad Sadıqovun komandası Bakıda "Qarabağ"a uduzub (0:4), Türkiyədə isə “Ankara Keçiörengücü”nə (2:1), “Əl-Hüseyin”ə (1:0) və “Çorum”a (2:0) qalib gəlib.
“Zirə” Konfrans Liqasının 2-ci təsnifat mərhələsində “Hayduk”la qarşılaşacaq. Komandalar arasında ilk matç iyulun 23-də, saat 19:30-da Bakıda, cavab görüşü isə 31-də, saat 23:00-da “Polyud Stadium”da keçiriləcək.
.jpg)
