"Zirə" Türkiyədəki təlim-məşq toplanışı çərçivəsində 2-ci yoxlama oyununa çıxıb.
Sportinfo.az xəbər verir ki, paytaxt təmsilçisi İordaniyadan “Əl-Hüseyin” ilə qarşılaşıb.
Matç "qartallar"ın 1:0 hesablı qələbəsi ilə başa çatıb.
Görüşdə yeganə qolu Bakı komandasının oyunçusu Brahim Konate vurub.
"Zirə" bunadək 2 yoxlama görüşündə qüvvəsini sınayıb. Rəşad Sadıqovun komandası Bakıda "Qarabağ"a uduzub (0:4), Türkiyədə isə “Ankara Keçiörengücü”nə qalib gəlib (2:1).
İyulun 17-nə qədər qonşu ölkədə olacaq "Zirə" bu müddətdə daha 2 yoxlama matçı keçirməyi planlaşdırır.
Görüşlər 16 iyul (iki oyun) tarixində oynanılacaq. Rəqiblərin kimliyi barədə hələlik açıqlama verilməyib.
